Mediat britanike shkruajnë sërish për të burgosurit shqiptarë

Sipas të përditshmes britanike, të burgosurit kanë shumë luks në burg, madje, duke postuar gjëra të ndryshme në rrjetet sociale.

Mediat britanike vazhdojnë të shkruajnë për të burgosurit shqiptarë dhe për jetën që bëjnë në burgjet. Është e përditshmja “The Sun”, me një tjetër shkrim, ku tregon se të burgosurit shqiptarë bëjnë një jetë të mirë në burg, në vend se që të vuajnë dënimin, përcjell albinfo.ch.

Të burgosurit shqiptarë postojnë foto e video, duke tymosur kanabis në burgjet britanike.

Sipas të përditshmes britanike, të burgosurit kanë shumë luks në burg, madje, duke postuar gjëra të ndryshme në rrjetet sociale.

“The Sun” citon disa thënie të tyre, duke treguar për jetën që bëjnë brenda burgjeve britanike.

“Ne jemi zotët e rrugëve. Në burg kemi gjithçka, e vetmja gjë që na mungojnë janë prostitutat”, shkruhet me një postim.

“Në djall qeveria dhe mbretëresha… dua t’i shoh të gjithë shqiptarët jashtë burgut”, thuhet në një tjetër postim.