Më shumë vetëvrasje sesa vrasje në Kosovë gjatë vitit 2016

Vdekje të dhunshme në vitin 2016 u raportuan gjithsej 188 raste apo 2.2 %, nga të cilat fatkeqësi 128 apo 68.1 %, vetëvrasje 41 apo 21.8 % dhe vrasje 19 apo 10.1 %

Agjencia e Statistikave të Kosovës (ASK) ka publikuar raportin “Statistikat e Vdekjeve në Kosovë 2016”.

Gjatë vitit të kaluar regjistruar 9246 vdekje, prej tyre vdekje të ndodhura vetëm në Kosovë 8495, kurse vdekje të cilat kanë ndodhur jashtë Kosovës janë regjistruar gjithsej 751, raporton albinfo.ch.

Nga gjithsejtë vdekjet e raportuara të ndodhura vetëm në Kosovë, 4796 janë meshkuj apo 56.5 % dhe 3699 janë femra apo 43.5 %. 46.3 % e rasteve të vdekjeve kanë ndodhur në institucione shëndetësore, ndërsa 52.5 % kanë ndodhur në shtëpi dhe 1.2 % në vend tjetër, thuhet në këtë raport.

79.8 % e të vdekurve janë të moshës 60 e më shumë vjeç. Shqiptarët marrin pjesë me 92.9 %.

Vdekje të dhunshme në vitin 2016 u raportuan gjithsej 188 raste apo 2.2 %, nga të cilat fatkeqësi 128 apo 68.1 %, vetëvrasje  41 apo 21.8 % dhe vrasje 19 apo 10.1 %.

Foshnjet e vdekura për vitin 2016 kanë qenë 199, dhe pjesëmarrja e tyre në gjithsej të vdekur është 2.3 %. meshkuj 116 apo 58.3 %, femra 83 apo 41.7 %.