Më shumë kritere për natyralizimin e lehtësuar

Në të ardhmen do të duhet të zotëroni njërën prej gjuhëve të vendit nëse dëshironi të bëheni shtetas i Zvicrës

Procedurat për natyralizim të lehtësuar nuk do të hiqen për bashkëshortët, por parlamenti ka shtuar pengesat. Kush dëshiron të marrë shtetësinë zvicerane duhet në të ardhmen të plotësojë kriteret e integrimit, p.sh. të flasë njërën gjuhë të vendit.

Dhoma e kantoneve e Zvicrës, sikur edhe Parlamenti Nacional ka votuar të enjten për rishikimin e plotë të Ligjit të Shtetësisë në Zvicër.

Këshilli Federal kishte propozuar që të rishqyrtohen kriteret e integrimit me procedurat e lehtësuara të natyralizimit.

Me kriteret e integrimit gjatë natyralizimit të lehtësuar, përveç aftësive gjuhësore, duhet të respektohet rendi dhe ligji dhe duhet të respektohen vlerat kushtetuese, duke qenë pjesë e jetës ekonomike të vendit.

Peter Föhn nga SVP-ja  kishte kërkuar shfuqizimin e natyralizimit të lehtësuar për bashkëshortët. Kjo kërkesë nuk kishte asnjë shans.

Në shumë pika Dhoma e Kantoneve ka ndjekur sugjerimet e Këshillit Federal. Parlamenti Nacional do të aplikojë megjithatë pengesa të përgjithshme për një pasaportë zvicerane.

Të gjithë njëzëri pajtohen se nuk ka pasaportë zvicerane për ata që nuk kanë leje të përhershme qëndrimi (C)  në Zvicër. Kjo kishte propozuar nga Këshilli Federal.  Këta të fundit dëshirojnë të zvogëlojnë kohëzgjatjen minimale të qëndrimit në vend të 12 në 8 vjet.

Dhoma e Kantoneve pajtohet me Parlamentin Nacional që të natyralizohen të huajt që kanë jetuar së paku dhjetë vjet në Zvicër. Për këtë çështje do të vazhdojë debati nëpër kantonet e Zvicrës.