Më së shumti ikje nga Zvicra në njëzet vitet e fundit

Nga Zvicra gjatë vitit të kaluar janë larguar 104 mijë zviceranë dhe të huaj, që është për 8 për qind më shumë se në vitin paraprak

Gjatë vitit 2012 Zvicrën e kanë braktisur më shumë banorë të saj se në vitet e mëhershme. Siç bën të Ditur Enti Federal i Statistikave, nga Zvicra gjatë vitit të kaluar janë larguar 104 mijë zviceranë dhe të huaj, që është për 8 për qind më shumë se në vitin paraprak.

Ky numër është më i madhi i shënuar në njëzet vitet e fundit, shkruan “Basler Zeitung”.

Kuota e të larguarve që janë shtetas të huaj, ishte veçanërisht e lartë. Mirëpo, pasi që marrë në përgjithësi megjithatë më shumë njerëz kanë ardhur në Zvicër se sa që e kanë lëshuar atë dhe padi që ka pasur më shumë raste të lindjes se të vdekjes, popullata e Zvicrës është rritur, duke mbërritur në shifrën 8 milionë e 39 mijë banorë

Numri më i madh i personave që kanë lëshuar Zvicrën kanë shkuar në Gjermani, 16444 veta. Pas saj vjen Franca, që ka tërhequr 10251 zviceranë dhe banorë të Zvicrës. Më tutje me nga afërsisht 5000 veta vijnë në radhë SHBA, Italia dhe Britania e Madhe.

Marrë proporcionalisht, më së shumti është rritur numri i atyre që kanë shkuar në Indi (plus 36%), në Kinë (plus 24%) dhe në Brazil (plus 23%)