Integrimi
Me para të Zvicrës, ndërtohen shtëpi për familje të varfra në Kosovë
Diaspora shqiptare me prejardhje nga komuna e Gjilanit ndjek shembullin e fshatit Miresh për rregullimin e infrastrukturës në fshat.
Cërnica është fshati i dytë që ka marrë këtë model! Me paratë e mbledhura nga mërgimtarët e këtij fshati që jetojnë në Zvicër, ekskavatorët kanë filluar punën për realizimin e një varg projektesh që presin të finalizohen.
„Shoqata Cërnica nuk ka më shumë se 5 muaj që është formuar dhe ka renditur një varg projektesh që synon t’i realizojë brenda këtij viti“, thotë kryetari Selajdin Hoxha.
Përfituesit e parë të këtij projekti janë familja e Sami Sherifit, Brahim Sherifit dhe Nuhi Hoxhës. Këto tri familje do të bëhen me shtëpi të reja.
„Shoqata Cërnica“ ka ndërtuar dy shtëpi për familjet që kanë qenë pa kulm mbi kokë, kurse e treta pret hedhjen e gurthemelit, tregon 42-vjeçari.
„Dy shtëpitë e para janë në përfundim e sipër dhe presim t’ua dorëzojmë çelësat deri në muajn qershor. Ndërtimi i shtëpisë së tretë pritet të fillojë në pranverë“, thotë Hoxha për familjet, të cilave lufta ua ka shkatërruar shtëpitë.
Projekti tjetër është vendosja e tri kabinave për pritje të autobusit dhe vendosja e shportave për hedhjen e mbeturinave. Krahas kësaj, në agjendë është edhe rregullimi i fushës sportive.
Një synim tjetër është sigurimi i një fondi për furnizim me barna të fëmijëve të sëmurë, premton Selajdin Hoxha me banim në Zvicër tash e 24 vjet.
„Shkrimi në albinfo.ch ka qenë shtytësi kryesor që më ka nxitur të marr këtë iniciativë. Duke lexuar dhe parë fotografitë si kanë investuar mërgimtarët e fshatit Doberçan në rregullimin e parqeve dhe ambientit përreth, kam vendosur t’i kontaktoj bashkëfshatarët e mi për formimin e shoqatës Cërnica“, u shpreh Hoxha.
Kryetari i “Shoqatës Cërnica” ka në plan po ashtu punësimin e dy punëtorëve për mirëmbajtje të varrezave të fshatit, mirëmbajtjen dhe sistemimin e hedhurinave, krijimi i parqeve dhe hapësirave të gjelbëruara.
Për realizimin e këtyre projekteve ai nuk ka fare dyshim, thotë se kemi hasur në përkrahje të madhe të bashkëfshatarëve që jetojnë në Zvicër dhe në vende të tjera të Perëndimit.
„Kështu shtëpinë e parë e kanë financuar vëllezërit Njiazi dhe Besim Bllaca, kurse ndërtimin e shtëpisë së dytë e ka marrë përsipër mërgimtari Skënder Hoxha. Anëtarët e shoqatës paguajnë 100 franga në vit“, tha ai në fund të bisedës.
Të tjera nga Integrimi
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja