Fotolajmi
Me “kamp protestash” kundër dëbimit të kosovarëve
Nga mëngjesi i të martës është ngritur një "qytet" i vogël tendash. Janë rreth 150 demonstrues të cilët duan të japin një "shenjë të dukshme" kundër dëbimit
Në afërsi të qendrës së azilit në Münster ku janë të vendosur rreth 70 azilkërkues nga Kosova, një grup demonstruesish kanë ngritur një kamp për të protestuar. Ata kërkojnë “qëndrim të përhershëm” për refugjatët nga Kosova.
Nga mëngjesi i të martës në këtë ambient është ngritur një “qytet” i vogël tendash. Janë rreth 150 demonstrues të cilët përmes këtij kampi duan të japin një “shenjë të dukshme” kundër dëbimit që i kanos azilkërkuesit kosovarë.
Siç dihet, për kosovarët aplikohet një procedurë e shpejtuar e azilit ndërsa më pak se 1 për qind e kërkesave të tyre marrin përgjigje pozitive.
Javën e kaluar kosovarët ishte paraparë të barteshin në një vendqëndrim tjetër, gjë që shikohej si parapërgatitje për t`i dëbuar. Nga kjo kohë janë zhvilluar disa protesta paqësore në mbështetje të tyre.
Qeveria e qarkut me seli në Arnsberg, kompetente për dëbim, e ndikuar nga protestat, e kishte shtyrë zhvendosjen e kosovarëve, shkruan Westfälische Nachrichten. Por, sipas informatave të protestuesve, qysh në mëngjesin e sotëm (e mërkurë) një grup i parë do të transportohet në Oerlinghausen prej nga pastaj do të dëbohet në Kosovë.
Një zëdhënës i qeverisë e ka konformuar pjesërisht këtë informatë. “Azilkërkuesit që të mërkurën do të paraqiten për të shkuar nga Münsteri në Oerlinghausen, e bëjnë këtë vullnetarisht dhe nuk dëbohen”.
Demonstruesit nga kampi i përmendur gjatë gjithë ditës së të martës kanë frekuentuar hyrjen e vendqëndrimit të azilkërkuesve, transmeton albinfo.ch. Me këtë rast ata me transparentet e tyre kanë kërkuar “Solidaritet, një procedurë korrekte azili dhe një të drejtë të përgjithshme qëndrimi”.
Të tjera nga Fotolajmi
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë