Me gjithë ashpërsimin e ligjit, 150 raste të vozitjes së shpejtë

Me gjithë dënimet e rrepta që janë në fuqi që nga janari i këtij viti, janë regjistruar 150 raste ku janë kapur vozitës të shpejtë (raser) rrugëve të Zvicrës

Tre vozitës të shpejtë (raser) kanë mbetur këtë fundjavë pa automjetet e tyre në kantonin e Soloturnit, ngase ishin sekuestruar  nga policia.

Një 24-vjeçar boshnjak dhe një 18-vjeçar zviceran kanë mbetur pa BMW-të e tyre, duke bërë garë në rrugët e qytetit me shpejtësi 125 km në orë. Dhe 24-vjeçari nga Kosova e kishte të njëjtin fat. Ai po ngiste BMW-në e tij në fshat me shpejtësi 111 km në orë.

Nuk i shpëtuan as arrestimit. Edhe ish-futbollisti i Baselit, Raul Bobadilla, u kap në Seewen me Maseratin e tij me shpejtësi  111 km në vend të 50 km / h.

Tashmë paketa e masave “Via Sicura” kundër vozitësve të shpejtë (raser) që është në fuqi që nga 1 janari ka dhënë rezultatet e para.

Një automekanik 23-vjeçar, i cili po voziste 149 km në orë në vend të 80 km / h në Argau është dënuar me 18 muaj burgim dhe 4000 franga gjobë.

Kantonet kanë nxjerrë rezultatet e para nga aksionet kundër vozitësve të shpejtë që janë regjistruar që nga fillimi i vitit. Nga kjo mund të konkludohet se ka pasur të paktën 150 raste ekcesesh të

vozitësve të shpejtë (raser) në mbarë vendin. Policia ditët në vijim ka planifikuar në disa lokacione kontrolle me radar dhe patrulla të veçanta, kanë bërë të ditur autoritetet policore në Bernë dhe Ticino.