Kultura
“Mbrëmje Shqiptare” në Muzeun Nacional të Lihtenshtajnit
Kjo mbrëmje ka në sfond ekspozitën "Besa, një çështje nderi", që është hapur në po këtë muze në muajin e kaluar
Të mërkurën, më 15 shkurt në Muzeun Nacional të Lihtenshtajnit (Landesmuseum Liechtenstein) do të mbahet veprimtaria e titulluar “Mbrëmja shqiptare”.
Kjo mbrëmje ka në sfond ekspozitën “Besa, një çështje nderi”, që është hapur në po këtë muze në muajin e kaluar dhe vazhdon të presë vizitorë deri më 4 mars. Mbrëmja, ashtu sikurse edhe ekspozita, ka në plan të parë humanizmin që kishin treguar shqiptarët duke shpëtuar hebrenjtë që kishin ikur nga nazizmi dhe ishin strehuar në Shqipëri gjatë Luftës së Dytë Botërore.
Veç kësaj, temë e mbrëmjes do të jetë edhe njohja më e mirë e Shqipërisë dhe shqiptarëve.
Siç shkruan në njoftimin e muzeut, Shqipëria, ka një histori jo të qetë. “Gjatë diktaturës komuniste ajo ishte praktikisht e izoluar nga bota, ndërsa edhe sot ne e njohim fare pak këtë vend. Ekspozita “Besa…” është një rast i mirë për të prezantuar Shqipërinë në Lihtenshtajn”.
Në “Mbrëmjen Shqiptare” kryetari i shoqatës Miqtë lihtenshtajnas të Yad Vashem-it, do të mbajë një fjalë hyrjeje, ndërsa ambasadori i Shqipërisë në Bernë, Mehmet Elezi do të mbajë në vazhdim një ligjëratë.
Mbrëmja vazhdon me rrëfimin për atë se si e ka përjetuar Shqipërinë arkeologu gjerman Rainer Vollkommer. Ai ka bërë pjesë në një grup arkeologësh gjermanë që kishin vizituar Shqipërinë në vitin 1989. Ishte ky grupi i dytë i shkencëtarëve gjermanë që po lejoheshin të vizitonin vendin plotësisht të izoluar nga bota.
Në këtë vazhdë do të shfaqet edhe një film i shkurtë që pasqyron vizitën e parë të arkeologëve ndërkombëtarë që kishin bërë në vitin 1985 në Shqipëri. Xhirimet e bëra me atë rast, duke qenë ndër të parat që bëheshin nga të huajt, tregojnë pamje nga historia dhe arti i shqiptarëve në atë kohë të vështirë.
Kjo mbrëmje që mbahet më 15 shkurt, me fillim në orën 18.00, organizohet nga shoqata e Lihtenshtajnit Miqtë e Yad vashem”, që është organizatë izraelite që përkujton holokaustin.
E-Diaspora
-
Prokuroria zvicerane kërkon 16 vjet burg për Arditin që vrau gruan e tij, Besimen Ardit S. mbyti gruan e tij, Besimen...
-
Me plis e me flamur kombëtar, preshevari diplomon në SHBA
-
Familjarët e Sadik Durakut, në kërkim të informacioneve kur ka kaluar gati një muaj në paraburgim në Serbi
-
Dy filma shqiptarë në Festivalin Ndërkombëtar të Filmit në Gjenevë
-
Ardon Jashari largohet përfundimisht nga Lucerni
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi