Lajme
Mbrëmje bamirëse “Shpëto jetë” në Cyrih
Duke e parë nevojën e madhe për t’iu dalë në ndihmë nënave dhe fëmijëve në Kosovë, Aksioni për Nëna dhe Fëmijë organizon edicionin e katërt të mbrëmjes bamirëse “Shpëto jetë” në Cyrih.
Mbrëmja bamirëse “Shpëto jetë” do të mbahet më 5 maj, duke filluar nga ora 19:00, në restaurant Aubrey Schiffbaustrass 10, 8005 Cyrih, ku do të performojnë bendi i mirënjohur “Don’t listen to your neighbors”, të cilët udhëtojnë nga Kosova enkas për këtë ngjarje, transmeton albinfo.ch.
Kjo ngjarje ka për qëllim ngritjen e fondeve për t’i mbuluar nevojat esenciale në spitalet tona me pajisje mjekësore dhe medikamente, të cilat shpëtojnë jetët e nënave dhe fëmijëve.
Përveç dhurimit të donacioneve, mbrëmja përfshin darkë, muzikë live, rrjetëzim, dhe ankand të qetë me punime nga artistë të shumtë të Kosovës.
Pjesëmarrja juaj do të jetë një kontribut i jashtëzakonshëm në mbështetjen e misionit të organizatës Aksioni për Nëna dhe Fëmijë drejt përmirësimit të shëndetit të nënave dhe fëmijëve në Kosovë, thuhet në njoftim.
Thirrja për mbështetje dhe sponsorë është ende e hapur dhe kompanitë apo individët të cilët dëshirojnë të bëhen sponsorë dhe pjesëmarrës të ngjarjes bamirëse “Shpëto Jetë” mund të kontaktojnë në email adresën: [email protected] për të pranuar pakot e sponsorizimit të ngjarjes.
Pjesëmarrësit të cilët dëshirojnë të bëhen pjesë e ngjarjes, mund t’i blejnë biletat në këtë vegëz: https://bit.ly/3JgdyRJ
Aksioni për Nëna dhe Fëmijë është një organizatë e themeluar në vitin 2013 e cila ka për mision shpëtimin e jetëve dhe përmirësimin e shëndetit të foshnjave, nënave dhe fëmijëve në Republikën e Kosovës. Për ta arritur misionin e tyre, ata zbatojnë projekte dhe programe të ndryshme të cilat kanë ndikim të madh dhe të qëndrueshëm në sistemin shëndetësor dhe ofrojnë zgjidhje afatgjata.
Falë punës së kësaj organizate, llogaritet që deri më tash janë shpëtuar jetët e më shumë se 5,000 foshnjave në Kosovë.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?