Mbi 2 milionë banorë në Austri kanë prejardhje migrimi

2.070,100 persona kanë emigruar në Austri vetë ose me prindërit e tyre.

Pothuajse një e katërta e popullsisë në Austri, apo saktësisht 2.070,100 persona, kanë emigruar në Austri vetë ose me prindërit e tyre. Kështu ka shkruar Krone Zeitung përpara që të botojë në detaje raportin e integrimit, i cili është njoftuar të bëhet publik ditën e martë.

Që nga kriza e madhe e refugjatëve më 2015, 200,000 njerëz kanë aplikuar për azil, përcjell Albinfo Austria.

Sipas gazetës austriake, Austria është përpara Gjermanisë dhe Suedisë kur bëhet fjalë për marrjen e refugjatëve. 118,000 nga 200,000 personat që kanë aplikuar për azil, kanë marrë mbrojte nga shteti.

“Që nga viti 2010, Austria ka krijuar struktura efikase në fushën e integrimit, të cilat në Evropë nuk kanë pse të kenë frikë nga krahasimi”, citohet të ketë thënë ministrja e Integrimit, Susanne Raab.

---