Lajme
Mbi 13 mijë ushtarë ukrainas të vrarë në luftë
Më shumë se 13.000 ushtarë ukrainas janë vrarë prej nisjes së luftës së Rusisë në Ukrainë, ka thënë Mykhailo Podolyak, këshilltar i presidentit ukrainas, Volodymyr Zelensky, përcjell albinfo.ch.
Deklarata të tilla për numrin e viktimave janë të rralla dhe komentet e Podolyakut nuk janë konfirmuar nga ushtria shtetërore. Në muajin qershor ai ka thënë se 100 deri në 200 ushtarë ukrainas janë duke vdekur brenda ditës.
Muajin e kaluar, gjenerali ushtarak amerikan, Mark Milley, ka thënë se rreth 100.000 ushtarë rusë dhe 100.000 ushtarë ukrainas janë vrarë apo plagosur prej nisjes së luftës.
Në një video adresim të mërkurën, shefja e Komisionit Evropian, Ursula von der Leyen, ka thënë se 100.000 ushtarë ukrainas janë vrarë deri më tani në luftë.
Megjithatë, një zëdhënës i saj ka sqaruar më vonë se von der Leyen ka bërë një gabim dhe se shifra qëndron për të vdekurit dhe plagosurit.
Lufta në Ukrainë ka nisur më 24 shkurt të këtij viti, raporton REL.
Presidenti rus, Vladimir Putin, e konsideron luftën si “operacion special ushtarak” për të çmilitarizuar Ukrainën.
Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.
Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
SHKA “Dardania” nga Winterthuri do të marrë pjesë në festivalin folklorik “Hasi Jehon”
-
Kevin Sekniqi, shqiptari i radhës i përfshirë në renditjen e prestigjiozes Forbes
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Austri
-
Bora zbardh Austrinë Austria sot është mbuluar nga bora.Mediat raportojnë se në vendet malore, reshjet kanë qenë më të...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa