Marina italiane shpëton mijëra refugjatë nga Afrika

"Bashkësia ndërkombëtare nuk guxon të sillet sikur shpëtimi i refugjatëve në brigjet e Evropës është punë që i takon vetëm Italisë"

Anijet e Marinës Ushtarake të Italisë kanë shpëtuar brenda pak orëve në natën në mes të të martës dhe të mërkurës duke i marrë në afërsi të bregdetit italian rreth 1500 emigrantë ilegalë.  Ata po vinin nga Afrika me disa barka refugjatësh drejt Evropës.

Një ditë më parë, të mërkurën marina italiane kishte shpëtuar po ashtu 1049 refugjatë afrikanë që ishin duke lundruar në afërsi të brigjeve të Sicilisë.

Duke iu referuar këtij fluksi të madh të refugjatëve, ministri i brendshëm i Italisë Angelino Alfabno ka thënë për mediet italiane se gjendja sa u përket refugjatëve po bëhet gjithnjë më akute.

Për këtë arsye  ai i ka apeluar BE-së që të marrë më shumë përgjegjësi në angazhimin kundër migracionit ilegal. Sipas tij, bashkësia ndërkombëtare nuk guxon të sillet sikur shpëtimi i refugjatëve në brigjet e Evropës është punë që i takon vetëm Italisë.