Mali i Zi me masa të reja, shpall sërish epideminë e koronavirusit

Keystone EPA/BORIS PEJOVIC

Është bërë e ditur se autoritetet shëndetësore dhe trupat koordinativë kombëtarë të Malit të Zi për sëmundje infektive sërish kanë shpallur epideminë me koronavirusin në territorin e tërë vendit. Kjo ka ardhur me propozim të Institutit të Shëndetit Publik, njoftoi Qeveria malazeze, përcjell albinfo.ch.

Prej sot aplikohen masa të parakohshme si: mbajtja e maskave në hapësira të mbyllura dhe të hapura në tërë vendin dhe se ky detyrim vlen edhe për fëmijët mbi 7 vjeç,

Maskat nuk janë të obligueshme nëpër plazhe dhe parqet nacionale, por me kusht që të ruhet distanca fizike.

Kufizohet grumbullimi i njerëzve, jo më shumë se 40 veta në hapësira të hapura dhe 20 veta në hapësira të mbyllura, duke mbajtur distancën prej 2 metrave.

Po ashtu është ndërprerë puna e disko klubeve, bareve të natës, organizimi i dasmave, maturës, etj. dhe kjo masë vlen deri më 6 gusht.

Mali i Zi është vendi i fundit në Evropë që regjistroi rastin e parë me koronavirus (17 mars) dhe i pari që nuk pati asnjë rast të ri për 28 ditë rresht (dy cikle të inkubacionit). Kjo është arsyeja pse fundi i epidemisë në këtë vend u shpall më 2 qershor. Në atë periudhë (17 mars – 4 maj), u regjistruan 324 raste me COVID-19, sëmundjen që e shkakton koronavirusi, dhe nëntë viktima.

Pas kësaj, rasti i parë u regjistrua më 14 qershor dhe deri më 16 korrik, numri i përgjithshëm i rasteve arriti në 1582. Numri i rasteve aktive me COVID-19 është rritur shpejt, pas analizimit të 2000 mostrave të ardhura nga Gjermania, nga të cilat dolën pozitivë 475. Mali i Zi dërgoi 2,000 mostra për testim në Gjermani, për shkak të mungesës së kapaciteteve të nevojshme që ato të kryheshin në shtet. Si u shndërrua Mali i Zi, nga vendi “pa koronavirus” në vendin me numrin më të madh të të infektuar për 100,000 banorë në Ballkanin Perëndimor?

Ndihmësi i drejtorit të Institutit të Shëndetit Publik, Senad Begiq, në një bisedë për Radion Evropa e Lirë thotë se besoj që arsyeja kryesore e kësaj është fakti se të gjithë, si shoqëri, u liruan dhe nuk u mbrojtën nga virusi. “Importi i virusit më nuk mund të shmanget dhe kjo ishte e qartë për të gjithë. Për sa kohë që ekziston kjo sëmundje përkthe dhe për sa kohë që është kudo në botë, nuk ka vende apo territore të mbrojtura apo të sigurta”, tha Begiq.

Siç thotë ai, problemi kryesor qëndron te vetë virusi, pra te karakteristikat e tij, dhe mbi të gjitha në faktin se një numër i madh i personave të infektuar, ata që janë të gatshëm dhe të aftë për të transmetuar infeksionin, nuk kanë simptoma. “Në kohën kur kemi identifikuar rastet e para, situata në terren ishte e tillë që, falë atij asimptomatizmit, ata përhapën sëmundjen në një numër relativisht të madh të kontakteve dhe gjithçka që po regjistrojmë dhe gjithçka që shohim tani është pasojë e sjelljes dhe ngjarjeve që u zhvilluan disa javë më parë”, thotë ai. /Albinfo.ch