Muzikë
Madhështore, tradita e karnavaleve rikthehet në Gjirokastër pas 60 vjetësh
“Kjo festë është një ritual i hershëm, që njerëzit e organizonin në këmbim të stinëve"
Është bërë e ditur se tradita e karnavaleve në Gjirokastër, e ndërprerë në vitet e diktaturës, u rikthye për herë të parë pas 60 vjetësh në qytetin e gurtë, përcjell albinfo.ch.
Thuhet se nxënësit e shkollave, qytetarë gjirokastritë, por edhe nga qytete të tjera të vendit parakaluan në zonën muzeale me madhështi me kostumet e tyre shumëngjyrëshe, duke sjellë një atmosferë fantastike që tërhoqi vëmendjen e të gjithëve.
Nga ana tjetër, Bashkia e Gjirokastrës thekson se “kjo festë është një ritual i hershëm, që njerëzit e organizonin në këmbim të stinëve. Paraardhësit tanë e kthenin në gëzim, rit, këngë, ngjyra, maska, kostume dhe festë ikjen e dimrit dhe ardhjen e pranverës”.
“Meritë, falënderime dhe mirënjohje nxënësve të 10 shkollave të Bashkisë. Sot Gjirokastra nuk solli thjesht një festë, por ringjalli një traditë të hershme që në Gjirokastër ka një emër të veçantë, Dita e Prosopullave”, tha Bashkia.
Kryetari i Bashkisë së Gjirokastrës, Flamur Golemi, tha se “rikthyem në Gjirokastër një aktivitet që mungonte prej dekadash. Këtej e tutje do ta zhvillojmë vit pas viti për t’i paraprirë ndërrimit të stinëve dhe rigjallërimit të natyrës. Faleminderit të gjithëve që u bëtë pjesë e festimeve në këtë ditë të parë. Festa vazhdon edhe sot në mbrëmje dhe ditën e nesërme. Mos mungoni”.
Kjo zgjati 2 ditë, ku qytetarët shijuan ushqimin, pijet, zbavitjet, muzikën dhe argëtimin, si dhe përmbylljen me djegien simbolike të një dordoleci prej kashte në qendër të qytetit, shkruan atsh.
Në pikëpamjen fetare karnavalet janë ditët e fundit para fillimit të kreshmës së Pashkëve. Kjo dukuri me kalimin e viteve mori karakter laik dhe u shndërrua në një festë popullore, ku për një ditë të vetme njerëzit veshin një maskë dhe realizojnë një përmbysje të përkohshme e statusit dhe hierarkive sociale. /Albinfo.ch
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?