Lajme
Macron nuk ndalet me kritika kundër NATO-s dhe OKB-së
Emmanuel Macron ka sulmuar sërish ashpër verbërinë e atyre që preferojnë të mbyllin sytë para joefikasitetit të institucioneve të sotme globale që duhet të përballen me problemet e botës.
Presidenti francez priti liderët e botës në forumin e dytë të përvitshëm të paqes, në Paris, që ka si qëllim rritjen e bashkëpunimit ndërkombëtar. Ai ka ndezur një seri reagimesh javën e shkuar, kur tha se NATO-s po i vdes truri, veçanërisht për mungesën e reagimit të saj ndaj tërheqjes amerikane nga Siria e veriut dhe ofensivën turke që pasoi.
“Rreziku me të cilin ne përballemi kolektivisht është tendenca që rishfaqet vazhdimisht në vendet tona letargjia. Rreziku i parë është t’i themi vetes se ne kemi organizata, ne na pëlqejnë ato, nuk i vëmë në diskutim, por ndonjëherë ato humbasin qëllimin, askush nuk e di se ku po shkojnë”, tha Macron, transmeton tch.
Po ashtu, në ceremoninë e hapjes së forumit të paqes në Paris, Macron tha se nuk duhet të ketë hipokrizi kur bëhet fjalë për funksionimin e organeve shumëkombëshe, si Kombet e Bashkuara, që sipas tij, janë të bllokuara.
“Unë mendoj se ne kemi nevojë për të vërtetën. Hipokrizia nuk funksionon më këto kohë. Përse? Sepse qytetarët tanë e shohin këtë! Kur nuk funksionon më siç duhet, ata na e thonë. Ndaj hipokrizia dhe heshtja nuk është një zgjidhje. Dhe, letargjia, nuk është një zgjidhje”, vijoi Macron.
27 shefa shtetesh, por edhe liderë biznesi dhe OJQ, janë ftuar në forumin dyditor në Paris. Mes tyre edhe sekretari i përgjithshëm i OKB-së dhe presidentja e zgjedhur e Komisionit Evropian, Ursula Von Der Leyen, përcjell albinfo.ch.
Të ngjashme
Të tjera nga Lajme
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte