Lushtaku mohon lajmet për ndalimin e tij në aeroportin e Cyrihut

Sipas tij i gjithë ndalimi është kryer për kontrolle rutinë.

Lajmet e disa mediave se ish kryetari i Skenderajt, Sami Lushtaku, të jetë ndaluar nga rojet kufitare në aeroportin e Cyrihut, kanë shtyrë vetë protagonistin të reagojë përmes postimit në Facebook. Sipas tij i gjithë ndalimi është kryer për kontrolle rutinë.

“Në Zvicër për vizitë turistike dhe takime me shumë miq që jetojnë dhe veprojnë këtu. Sa për sqarim, dje nuk kam pasur asnjë ndalesë nga autoritetet zvicerane përveç kontrollave rutinë që bëhen për shkaqe të sigurisë pasi ishte hera e parë që kam udhëtuar në Zvicër, përmes aeroportit të Cyrihut,” tha Lushtaku në rrjetet sociale.

---