Lirjon Abdullahu, 16-vjeçari që u ftua nga Kosova

Lirjon Abdullahu është një nga talentet më premtues të futbollit kosovar, i cili tashmë po tërheq vëmendjen me paraqitjet e tij mbresëlënëse. Vetëm 16 vjeç, Abdullahu luan për ekipin gjerman Stuttgarter Kickers në kategorinë U17, ku ka treguar një formë të jashtëzakonshme duke realizuar 10 gola në 13 paraqitje.

Performanca e tij e shkëlqyer nuk ka kaluar pa u vënë re nga përzgjedhësi i Kombëtares së Kosovës, Franco Foda, i cili e ka ftuar për t’u bashkuar me ekipin. Abdullahu ka pasur tashmë një eksperiencë me Kosovën U17, ku ka luajtur një ndeshje dhe ka shënuar një gol, shkruan albinfo.