Kultura
Lexim letrar dhe ekspozitë në ambasadën e Kosovës në Berlin
Me rastin e 10-vjetorit të Marrëdhënieve Diplomatike mes Republikës së Kosovës dhe Republikës Federale të Gjermanisë, në hapësirat e Ambasadës së Kosovës në Berlin është organizuar ngjarja kulturore e radhës, organizuar nga përfaqësia e shtetit të Kosovës në kryeqytetin gjerman.
Mysafirëve të pranishëm me një fjalë të shkurtër u dëshiroi mirëseardhje ambasadori i Kosovës në Gjermani, Beqë Cufaj, përcjell albinfo.ch.
Së pari u organizua leximi nga romani i saj i parë i shkruar në dhe botuar në gjuhën gjermane nga Arta Ramadani “Die Reise zum ersten Kuss. Eine Kosovarin in Kreuzberg” (Shqip: „Udhëtimi deri te puthja e parë. Një kosovare në Kreuzberg“).
Arta Ramadani, e cila punon si gazetare në televizionin gjerman “ZDF”, për herë të parë lexoi nga libri i saj në hapësirat e Ambasadës së Kosovës, por edhe para publikut shqiptar.
Ramadani deklaroi me këtë rast që ndjehet e nderuar, sidomos për faktin që pas një serie leximesh nëpër Gjermani, këtë mbrëmje paraqitet para publikut dhe prindërve të saj shqiptarë.
Të njëjtën mbrëmje rreth mysafirët e shumtë të pranishëm në hapësirat e Ambasadës së Kosovës patën rastin të shohin fotografitë e autores zvicerane Corinne Holthuizen dhe Axel von Hoerschelmann, të cilat ishin bërë gjatë Festivalit të Filmit në Prizren “Dokufest” dhe të cilat në një formë autentike nga jashtë jepnin atmosferën e festës së filmit në kryeqendrën ballkanike të filmit dokumentar.
Aktivitetet e Ambasadës së Republikës së Kosovës për shënimin e Marrëdhënieve Diplomatike mes dy vendeve do të vazhdojnë edhe në muajt nëntor dhe dhjetor.
Të ngjashme
Të tjera nga Kultura
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?