Lëshohen nga spitali katërnjakët shqiptarë

Dy muaj pas lindjes, katërnjakët e familjes refugajte nga Shqipëria kanë lëshuar të mërkurën spitalin, gjegjësisht Klinikën Universitare të Jena-s, Gjermani. Siç ka thënë për magazinëen gjermane Focus një zëdhënëse e spitalit, ata janë lëshuar në gjendje të kënaqshme shëndetësore. «Në përputhje me moshën, ato janë zhvilluar mjaft mirë».

Katërnjakët, ose tri vajzat dhe një djalë kanë shtuar peshën e tyre dhe tash peshojnë në mes 2500 dhe 3000 gramë, ka sqaruar zëdhënësja, transmeton albinfo.ch.

Nëna e tyre do të ketë përkujdesjen e dy mamive në banesën ku është vendosur familja refugjate nga Shqipëria. Edhe foshnjat kanë nevojë për përkujdesje edhe pas lëshimit nga spitali.

Punëtorët e klinikës Universitare në Jena së bashku me qytetarët kanë grumbulluar pelena dhe veshmbathje tjetër për foshnjat. Për një ditë nevojiten 28 palë pelena për katërnjakët.