Kosova

Lë Zvicrën për Kosovën, historia e Andreas Wormser

Andreas tregon se ardhja e tij në Kosovë ishte pritur me habi nga familja

Ndryshe nga shumë kosovarë, që zgjedhin ta lënë vendin për një jetë më të mirë në Perëndim, Andreas Wormser ka lënë Zvicrën për Kosovën.

Për herë të parë ai erdhi në vitin 1999 dhe shërbeu pesë vjet si atashe i shtetit zviceran, duke ndihmuar kthimin e refugjatëve, raporton TCH, transmeton albinfo.ch.

Por, më 2008 ai vendosi të jetojë në qytetin e Graçanicës, ku hapi edhe një biznes me qëllim që të sjellë sa më shumë turistë.

Andreas tregon se ardhja e tij në Kosovë ishte pritur me habi nga familja. Megjithatë, ai i konsideron punëtorët si familje të dytë, të cilët i përkasin tri nacionaliteteve.

Përveç Andreas, në Kosovë jetojnë 2322 shtetas të huaj, prej tyre 2191 me leje qëndrim të përkohshëm dhe 131 me leje qëndrim të përhershëm.

Vetëm gjatë periudhës janar- qershor të këtij viti, 166 persona kanë fituar shtetësinë e Kosovës.


LAJME INTERESANTE NGA INTERNETI