Kriza në Ukrainë
Ky qytet i Zvicrës ka hequr dorë tërësisht nga gazi “i Putinit”
Qyteti Winterthur, i dyti për nga madhësia në Kantonin e Cyrihut, shmang përdorimin e gazit nga Rusia. Ai ka vendosur ta blejë gazin vetëm në perëndim
Shërbimet komunale që administrojnë gazin në Winterthur (ZH) nuk kanë përdorur gaz nga Rusia që nga 1 qershori për shkak të luftës në Ukrainë. Në vend të kësaj, gazi natyror blihet nga vendet e Evropës Perëndimore.
Të kujtojmë: Winterthuri, me rreth 117.000 banorët e tij është qyteti i dytë më i madh në Kantonin e Cyrihut, pas vetë Cyrihut, dhe i gjashti në Zvicër, shkruan albinfo.ch.
Ndërmarrja përkatëse e qytetit shkruan se duke hequr dorë nga gazi rus, po përmbushet një dëshirë e klientëve, njofton sda.ch. Gazi natyror tani blihet vetëm nga Norvegjia, Holanda apo Britania e Madhe.
Gazi deklarohet me anë të vërtetimit të origjinës, transmeton albinfo.ch. Kjo siguron që sasia e gazit të kërkuar në Winterthur nga burimet në Detin e Veriut të futet në të vërtetë në rrjetin ndërkombëtar të gazit.
Qyteti müë i madh i Zvicrës, Cyrihu, megjithëse pati premtuar se do të bënte përpjekje në këtë drejtim, nuk ka arritur të pavarësohet nga gazi i “Putinit”.
Qasja e Winterthurit megjithatë mbart një rrezik të caktuar, përcjell albinfo.ch. Sepse: Për shkak se në rrjetet evropiane të gazit ka ende një pjesë të gazit nga Rusia, nuk mund të garantohet që gazi natyror i mjaftueshëm do të jetë i disponueshëm në rast të një ndërprerjeje të furnizimit nga Rusia.
Sipas shifrave të Shoqatës së Industrisë Zvicerane të Gazit, 43 për qind e importeve të gazit në Zvicër, në vitin e kaluar ka ardhur nga Rusia. Furnizuesi i dytë më i madh ishte Norvegjia (22 për qind).
Të ngjashme
Të tjera nga Kriza në Ukrainë
E-Diaspora
-
Kroaci: Ermina Lekaj Prljaskaj nuk siguroi votat e duhura për deputete Shqiptarët mbeten pa deputet në Kroaci...
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Arrestohen këngëtarët shqiptarë në një “Bajram party”, në Zvicër
-
Shtetasja zvicerane arrestohet në Viti për shkak të kërcënimeve
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri