Kur trupi ju paralajmëron se po konsumoni shumë kafeinë

Marrja e sasive të mëdha të kafeinës mund të ketë efekte anësore serioze.

Kafeja është një nga pijet më të njohura dhe më të konsumuara në botë. Përveç kafesë, shumë të njohura janë edhe pijet që përmbajnë kafeinë, e cila ka efekte stimuluese dhe dihet se kjo substancë mund të përmirësojë energjinë, funksionet njohëse dhe performancën fizike.

Disa burime të kafeinës, si kafeja dhe çaji, janë studiuar për efektet e tyre pozitive në inflamacion, sëmundje kardiovaskulare, obezitet, autoimunitet, mëlçi dhjamore, sëmundje neurologjike dhe diabeti.

Si e dini nëse jeni duke konsumuar shumë kafeinë?

Gjëja e parë e rëndësishme që duhet theksuar është se të gjithë mund të kenë një prag të ndryshëm tolerance, sepse secili prej nesh ka një metabolizëm të ndryshëm. Disa njerëz janë të shpejtë dhe të tjerë janë metabolizues të ngadaltë, kështu që kjo do të ndikojë në shkallën dhe pragun e tolerancës.

Një rregull i përgjithshëm është të përmbaheni në 200 mg kafeinë nëse keni një metabolizëm të ngadaltë, që është dy filxhanë kafe, dhe të shkoni deri në 400 mg kafeinë nëse keni një metabolizëm të shpejtë, që është e barabartë me rreth katër filxhanë të kafesë.

Nëse nuk i kushtoni vëmendje dozave të kafeinës që konsumoni, mund të ndodhin efektet anësore të mëposhtme:

– rrahje të shpejta të zemrës

– nervozizëm

– ankth

– presioni i lartë i gjakut

– mbajtjen e natriumit dhe ujit.

 

---

LAJME INTERESANTE NGA INTERNETI