Kthehen në punë mbi 17 mijë pensionistë invalidorë

Qendrat e sigurimit të invaliditetit bëjnë përpjekje që personat e siguruar t`i integrojnë sa më shpejtë në procesin e punës

Qendrat për sigurimin e pensioneve të invaliditetit të punës gjatë vitit të kaluar kanë aftësuar dhe riintegruar në profesion17552 persona invalidë. Në këtë mënyrë, numri i të integruarve është rritur për rreth 900 në krahasim me një vit më parë, kur kanë qenë 16629 sish, bën të ditur konferenca e qendrave të sigurisë së invaliditetit (IVSK) në një njofti të publikuar të enjten.

Në këtë numër janë përfshirë ruajtja e vendeve të punës (kthimi në të), vendosja në një vend pune brenda ndërmarrjes ku kanë qenë më parë dhe vendet e punës te punëdhënës të tjerë, sqarohet në njoftim. Ndërsa këtu nuk janë numëruar vendet për mësim zanati dhe për kryerje të praktikumit. Të gjitha shifrat mbështetetn në statistikat vjetre ë IVSK-së.

Qendrat e sigurimit të invaliditetit bëjnë përpjekje që personat e siguruar t`i integrojnë sa më shpejtë në procesin e punës. Në këtë kontekst ka shumë rëndësi ndërhyrja e shpejtë dhe ruajtja e vendeve të punës (nga koha para invaliditetit).

Nga ana tjetër, siç shkruan IVSK, për personat që riintegrohen në procesin e punës kjo përbën një përmirësim të cilësisë së jetës  ndërsa sigurimi i invaliditetit kursen shpenzimet e larta për pensionet. Po ashtu nga e gjithë kjo përvoja të mira kanë bërë edhe ndërmarrjet përkatëse. (albinfo.ch&sda)