Lajme
Kryetarja e Kroacisë, për vizitë zyrtare në Zvicër
Zgjerimi i marrëveshjes për lëvizje të lirë edhe në raport me Kroacinë ka qenë temë e bisedimeve Maurer-Grabar Kitanovic
Kryetarja e Kroacisë, Kolinda Grabar-Kitarovic, ndodhet për një vizitë zyrtare në Zvicër. Gjatë bisedimeve të zhvilluara sot me kryetarin e Kofederatës së Zvicrës, Ueli Maurer, u bë fjalë veç tjerash për marrëdhëniet e Zvicrës me Bashkimin Evropian, shkruan sda.ch.
Të dy homologët kanë konstatuar ekzistimin e “marrëdhënieve të ngushta e dinamike në mes të dy vendeve”.
Po ashtu zgjerimi i marrëveshjes për lëvizje të lirë që ka Zvicra me BE-në, edhe në raport me Kroacinë, ka qenë temë e bisedimeve, bëhet e ditur në një komunikatë për shtyp të Ministrisë së Punëve të Jashtme të Zvicrës.
Rëndësinë e marrëdhënive në mes të Kroacisë dhe Zvicrës e tregon veç tjerash edhe fakti se në Zvicër jetojnë rreth 30 mijë shtetas të Kroacisë, transmeton albinfo.ch. Po ashtu këto marrëdhënie fitojnë në peshë për faktin se rreth 300 mijë zviceranë në vit vizitojnë Kroacinë, si njërin ndër destinacionet e rëndësishme turistike të zviceranëve, kryesisht falë bregdetit të saj.
Sa u përket temave të politikës ndërkombëtare, në takim u bë fjalë për gjendjen aktuale në Ballkanin Perëndimor. Presidentja Grabar-Kitarovic ka vënë theksin në iniciativën “e tre deteve”, në të cilën Kroacia është bashkinicuese.
Iniciativa synon lidhjen në mes të 12 shteteve të Evropës Qendrore mes Adriatikut, Detit të Zi dhe Detit të Veriut, përcjell albinfo.ch. Kjo lidhje nënkupton bashkëpunim më të ngushtë në ekonomi, energji, transport dhe komunikacion.
Në përmbyllje të vizitës së saj zyrtare, kryetarja kroate ka në agjendën e saj edhe takimin me kryetaren e Dhomës Nacionale të Parlamentit të Zvicrës, Marina Carobbio Guscetti.
E-Diaspora
-
Dua Lipa reagon për vrasjet në Gaza Këngëtarja shqiptare me famë botërore shqiptare, Dua Lipa, ka bërë thirrje për ndaljen e luftimeve në...
-
Java e Kulturës së Kosovës në Berlin
-
Bukuresht: Koncert madhështor nga sopranoja Inva Mula dhe tenori Gjergji Mani
-
Ramë Dardania, me ekspozitë në Pragë
-
Oficerë shqiptarë që shërbejnë dhe kontribuojnë në sigurinë e Nju-Jorkut
Jeta në Austri
-
Prezantohet në Vjenë platforma “Made in Kosova“ Vjenë: U bë degustimi i verërave nga Kosova...
-
Austri: Të paktën 300 kocka vigane janë gjetur në një bodrum shtëpie
-
Austri: Përmbledhje e lajmeve më të fundit të ditës së sotme
-
Austria po përballet me mungesë të madhe të punëtorëve të kualifikuar
-
Boksieri Bernardin Jakaj, i gatshëm për meçin e së shtunës në Vjenë