Kryetari i AAK-së ia kthen letren kryeministrit të Kosovës

FB: Ramush Haradinaj

Kryetari i Aleancës për Ardhmërinë e Kosovës, Ramush Haradinaj, ia ka kthyer letrën kryeministrit të Kosovës, Albin Kurtit, në lidhje me darkën e punës për të diskutuar në lidhje me agjendën legjislative të Kuvendit.

Përmes letres, Haradinaj ka thënë se për sa i preket kësaj teme, bie në përgjegjësinë e shefave të grupeve parlamentare.

“Besnik Tahiri, i cili e udhëheq grupin tonë parlamentar dhe kolegë të tjerë, jam i bindur se do të diskutojnë në frymën kolegjiale dhe do të gjejnë një gjuhë, që pastaj do të përçohet në Kuvend nga grupet tona parlamentare për zbatim. Konsideroj që kjo temë bie drejtpërdrejt në përgjegjësinë dhe dijen e tyre”, thuhet në letër.

Ndër të tjera, Haradinaj i ka thënë Kurtit se në qoftë se ka ndonjë temë tjetër që lidhet me momentumin politik, këtë çështje mund ta trajtojnë në një kohë dhe moment tjetër, transmeton albinfo.ch.