Kryeministri izraelit refuzon planin 15-pikësh të Trumpit për Gazën

Foto Twitter: @netanyahu

Kryeministri i Izraelit, Benjamin Netanyahu e ka refuzuar planin e fundit të SHBA-së për të kaluar drejt fazës së ardhshme të paqes në Gazë, duke kërkuar çarmatosjen e plotë të Hamasit përpara se forcat izraelite të tërhiqen.

“Izraeli e refuzon dokumentin me 15 pika”, ka thënë ai në mbledhjen e sotme të kabinetit.

Sipas tij, ushtria izraelite “nuk do të tërhiqet aspak derisa Hamasi të jetë çarmatosur realisht dhe do të vazhdojë të pengojë kërcënimet ndaj forcave dhe qytetarëve tanë”.

“Dhe kur them çarmatosjen e Hamasit, kjo do të thotë armë të rënda, armë më pak të rënda, të gjitha armët. Dhe po flasim për çarmatim të vërtetë, jo për një çarmatim fiktiv. Ne po e diskutojmë këtë tani me amerikanët. Ata kanë ide, disa prej të cilave janë të pranueshme për ne dhe disa jo, dhe ne dimë se si t’u qëndrojmë përballë këtyre çështjeve. Për sa kohë që unë jam kryeministër, nuk do të krijohet asnjë shtet palestinez, as në Gaza dhe as në Bregun Perëndimor”, ka deklaruar ai.