Të tjera
Kroacia kërkon nga Serbia të paguajë për dëmet e luftës
"Në çështjen e dëmshpërblimit të luftës, nuk ka dilema”, ka thënë kryeministri kroat, Andrej Plenkovic, të enjten në Zagreb
Anëtarja më e re e Bashkimit Evropian, Kroacia, kërkon pagesën e dëmshpërblimit të luftës nga shteti i saj fqinj, Serbia, që është kandidate për të hyrë në BE. “Në çështjen e dëmshpërblimit të luftës, nuk ka dilema”, ka thënë kryeministri kroat, Andrej Plenkovic, të enjten në Zagreb, shkruan swissinfo.ch.
Serbia, sipas tij, ka mbi dhjetë vite që është ngarkuar me pagesën që duhet të bëjë për dëmet e shkaktuara në luftën e zhvilluar në periudhën 1991-1995, ka shtuar Plenkovic, pa përmendur shumën me të cilën ajo detyrohet, transmeton albinfo.ch.
Por Serbia e hedh poshtë këtë kërkesë dhe kërkon në të njëjtën kohë zhdëmtim nga Kroacia për dëmet që kjo e fundit i ka shkaktuar në po atë luftë. Javën tjetër në Zagreb shkon presidenti i Serbisë, Aleksandar Vucic shkon në Zagreb, në një vizitë që pritet me tension.
Kroacia e sheh “luftën atdhetare” si “mbrojtje kundër forcave serbomëdha” për të realizuar pavarësinë e saj nga Jugosllavia. Ndërsa serbët edhe sot konsiderojnë se me këtë luftë kanë dashur të parandalojnë mbetjen e tyre si pakicüë etnike brenda Kroacisë ndërkohë që në kuadër të Jugosllavisë ata përbënin një shumicë.
Duke qenë se e kaluara e luftës ende nuk është përpunuar, faktet përcaktuese të kësaj lufte mbeten të paqarta dhe të kontestuara, përcjell albinfo.ch. Sipas burimeve të ndryshme, numri i të vrarëve rezulton në rreth 20 mijë persona, rreth 14 mijë prej tyre kroatë dhe rreth 6000, serbë.
Sipas burimeve kroate gjatë luftës janë deportuar më shumë se gjysmë milioni njerëz, nga 4.7 milionë banorë sa i ka pasur Kroacia gjithsej. Më shumë se 200 mijë serbë janë detyruar të braktisin vendlindjen e tyre. Vlera e dëmeve materiale mbetet ende e panjohur.
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja