Lajme
Krijimi i energjisë elektrike nga bora në projekt
Disa shkencëtarë japonezë janë duke testuar disa mundësi për gjenerimin e energjisë elektrike nga bora, me synimin për të siguruar një burim të rinovueshëm të energjisë, përcjell albinfo.ch.
Në qytetin e Aomor bie shumë borë çdo vit, dhe duke pasur parasysh këtë, shkencëtarët filluan testet në pishinën e një shkolle fillore të braktisur, për të shqyrtuar mundësinë e gjenerimit të energjisë nga ndryshimi i temperaturës midis borës dhe ajrit përreth.
Forte Co. dhe Universiteti i Telekomunikacionit i Tokios duan të furnizojnë një turbinë me energji që do të gjenerohet nga një lëng që fillimisht do të ftohet nga bora e ruajtur dhe më pas do të avullohet falë nxehtësisë së ajrit përreth. Në Aomori, vëllime të mëdha dëbore hidhen në det pasi mblidhen nga borëpastruesit dhe kamionët.
Në vitin e kaluar sipas një bilanci që përfundoi në mars 2022, kostot e heqjes së borës ishin rritur në një rekord prej 5.9 miliardë jen (41.9 milionë euro). “Dëbora është trajtuar si një shqetësim, por ne mund ta përdorim atë,” tha një zyrtar i qytetit. Më 16 dhjetor, punëtorët e Forte vendosën materiale izoluese brenda pishinës.
Hulumtime të mëtejshme do të kryhen për ruajtjen e borës, si dhe sasinë e energjisë elektrike që mund të prodhohet. Sipas Forte, sfidat më të mëdha janë gjetja ose krijimi i një infrastrukture në shkallë të gjerë për të ruajtur borën, si dhe sigurimi i ajrit të nxehtë gjatë dimrit.
Për të arritur temperaturën e nevojshme, kompania do të konsiderojë shfrytëzimin e burimeve të nxehta.
“Ky është një Burim i Rinovueshëm i Energjisë që është unik në një zonë me shumë dëborë. Ky projekt do të çojë gjithashtu në krijimin e një industrie të re”, tha Jun Kasai, kreu i Forte.
E-Diaspora
-
Kanë mbetur vetëm edhe dy ditë për t’u regjistruar diaspora Kemi hyrë në 2 ditët e fundit të regjistrimit të diasporës në kuadër të regjistrimit të...
-
Merakli t’kerreve: U ndihmojmë mërgimtarëve veçmas në kufij
-
Projekti filmik “Adelina”, fitues i trefishtë në Spanjë
-
Platforma“Made in Kosova” promovon potencialin ekonomik, kulturor e turistik
-
Prime Travel, partneri juaj i udhëtimeve
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë