Kosova
KQZ-së i duhen edhe tri ditë për të përfunduar fletëvotimet e diasporës
Zëdhënësi i KQZ-së, Valmir Elezi, ka thënë se është e domosdoshme që të bëhet shqyrtimi dhe vlerësimi i zarfeve të ardhura nga diaspora
![](https://www.albinfo.at/wp-content/uploads/2019/10/kqz-2_7652-1024x680-587x390.jpg)
Gjykata Supreme e Kosovës, pas një ankese nga Lëvizja Vetëvendosje, ka vendosur që mbi 4 mijë vota të ardhura nga mërgata të numërohen.
“Para fillimit të numërimit të fletëvotimeve të ardhura nga jashtë vendit duhet të bëhet vlerësimi i pakove. Në mënyrë që të mund të fillojmë me procesin e numërimit të tyre”, ka thënë Valmir Elezi.
“Vlerësimi ka të bëjë me vërtetimin nëse është dërguar nga votuesi, i cili është regjistruar suksesshëm nga votuesi që ka votuar nga jashtë vendit. Pasi të përfundohet ky vlerësim do të dimë numrin e fletëvotimeve të aprovuara dhe se sa është numri i atyre që refuzohen”.
Elezi tregon edhe kohën se sa do të zgjasë i gjithë procesi.
“Besojmë që së paku dy ditë na duhet kohë të bëhet procesi i vlerësimit të fletëvotimeve, në këtë mënyrë mund t’i hapet rruga numërimit, i cili mund të kryhet brenda një dite”, shton Elezi.
Ndryshe, sot kishte pasur përplasje në mbledhjen e KQZ-së ku është diskutuar pikërisht për këto vota të mërgatës.
Kryetarja e KQZ-së, Valdete Daka, ka thënë se në bazë të aktgjykimit janë të obliguar që t’i numërojnë fletëvotimet nga diaspora, shkruajnë mediat kosovare, përcjell albinfo.ch.
“Në bazë të këtij aktgjykimi jemi obliguar që t’i numërojmë fletëvotimet nga diaspora. E kemi obligimin dhe nuk mendoj që kemi çka të diskutojmë. Na pëlqeu, nuk na pëlqeu, do ta zbatojmë”, tha ajo.
Ndërkohë kundër vendimit të Gjykatës Supreme janë deklaruar anëtari i LDK-së në KQZ, Sami Hamiti dhe ai i PDK-së, Ilir Gashi.
Sipas tyre, vendimi për numërimin e këtyre votave është i gabuar.
E-Diaspora
-
Ndahet nga jeta psikiatri, Dr. med Sami Dalipi Ka vdekur sot në moshën 62 vjeçare, spitalin e Lucernit Dr. Sami Dalipi, mjek dhe doktor...
-
Shënohet Dita ndërkombëtare e remitencave, Kosova ka rritje ndër vite
-
Komuniteti Musliman Shqiptar në Zvicër uron festën e Kurban-Bajramit
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë