KQZ publikon rezultatet e para nga votimi në ambasada: prin bindshëm VV

Këto të dhëna vijnë nga numërimi i votave në Ambasadën e Kosovës në Berlin dhe Konsullatën në Stuttgart.

Komisioni Qendror i Zgjedhjeve ka filluar publikimin e rezultateve të para nga votimi në përfaqësitë diplomatike të Kosovës.

Deri tani janë numëruar 2 nga 47 vendvotime, që përbëjnë 4.26% të procesit të përgjithshëm në këtë kategori.

Sipas rezultateve fillestare, Lëvizja Vetëvendosje është në epërsi të theksuar me 84% të votave, apo gjithsej 1,024 vota.

Pas saj renditet Partia Demokratike e Kosovës me 7.55% (92 vota), ndërsa Lidhja Demokratike e Kosovës ka marrë 5.41% (66 vota). Aleanca për Ardhmërinë e Kosovës mbyll listën me 1.89% (23 vota).

Këto të dhëna vijnë nga numërimi i votave në Ambasadën e Kosovës në Berlin dhe Konsullatën në Stuttgart.

---