Kosova

Kosovë: Protestohet duke u kërkuar siguri për gratë, pas dyshimeve për dhunimin e një 13-vjeçareje

E enjte, 14 Mars 2024 - 17:00 albinfo.ch

Foto FB: Kolektivi për Mendim dhe Veprim Feminist

Në Prishtinë sot “Kolektivi për Mendim dhe Veprim Feminist” ka organizuar protestë duke kërkuar siguri për gratë dhe vajzat.

Protesta ka nisur nga sheshi “Zahir Pajaziti” teksa “S’ka paqe pa sigurinë e grave”, “Siguri për gratë dhe vajzat”, “Drejtësi për gratë” dhe “Gra bashkë rezistojmë, bashkë fitojmë”, ishin disa prej thirrjeve të bëra gjatë kësaj proteste, transmeton albinfo.ch.

Ndryshe, protesta është thirrur pas rastit të një 13-vjeçareje nga Peja që të dielën është raportuar e zhdukur në stacionin policor në Malishevë dhe dyshohet se është dhunuar nga dy persona. Të dyshuarit janë në paraburgim.