Kosova

Kosovë: Operacioni “Goditja” përfundon me 234 të arrestuar

E enjte, 7 Shtator 2023 - 18:20 albinfo.ch
FB: Policia e Kosoves

Policia e Kosovës ka zhvilluar operacionin “Goditja” nga 8 gushti deri më 6 shtator, si rrjedhojë e të cilit ka arrestuar 234 persona.

Ky urdhër operativ ka qenë i planifikuar për shtim të masave të sigurisë në pjesët urbane të vendit dhe është zhvilluar kryesisht në lokale hoteliere, bare nate dhe kafene, njofton Policia e Kosovës, përcjell albinfo.ch.

“Detyrat që parashiheshin të realizoheshin në zbatim të urdhrit në fjalë janë shtimi i patrullimeve policore, kontrollimi i veturave, lokaleve e personave me qëllim që të gjenden, të konfiskohen e të procedohen rastet kur ka armëmbajtje pa leje, prishje të rendit e qetësisë publike dhe iniciohen raste të tjera penale, përfshirë arrestimin e personave të përfshirë në raste penale”, thuhet në njoftim.

Sipas njoftimit të Policisë, operacioni “Goditja” ka përfunduar me 14 417 patrullime, mbi 72 mijë vetura të kontrolluara, 966 lokale, 234 të arrestuar, 77 revole të konfiskuara e 13 armë të gjata dhe 2376 fishekë të ndryshëm.

 Të tjera nga Kosova

NATO nis zvogëlimin gradual të trupave të KFOR-it në Kosovë

 E-Diaspora

 Jeta në Austri