Kosovë: Kardiokirurgët u lavdëruan se kryen një operacion të rrallë me sukses, pas disa orësh pacienti vdes

Pērmes rrjetwve sociale, një kardiokirurg i Shërbimit Spitalor Klinik Universitar të Kosovës publikoi një foto ku pretensonte se kanë kryer për herë të parë operacionin në zemër të quajtur ‘David’. Ky operacion sipas tyre ishte kryer me sukses dhe se për herë të parë bëhej në Kosovë.

Mirëpo vetëm disa orë pas, mediat në Kosovë raportuan se pacienti i moshës 63 vjeçare ndërrou jetë, transmeton albinfo.ch.

Fajin për këtë drejtori i klinikës së kardiokirurgjisë Rifat Brahimaj ua la doktorêve që kryen operacionin duke thënë se nuk kanë pasur ekspertizë e as leje për një gjë të tillë.

“Mjekët që e kanë kryer këtë operacion nuk janë kompetent për ndërhyrje të tilla sepse ata kanë vështirësi edhe në procedura standarde. Të hysh në një procedurë të tillë pa pasur përvojën e duhur dhe ta paraqitësh si sukses, e pacienti ndërron jetë pas disa orësh, kjo me të vërtetë është hipokrizi”, ka deklaruar Brahimaj.

Ndërsa doktori që kreu operimim ka reaguar pas akuzave qê mori nga drejtori.

“Pasi nuk mu dha mundësia që të bëj diskutim në kolegjiume profesionale që rëndom bëhen në çdo qendër të mirëfillt kardiokirurgjike,po ju drejtohem edhe unë mediave në cilësinë e Kardiokirurgut operator dhe njëherit kujdestar në kardiokirurgji me daten 03.01.2023. Për dallim nga ushtruesi I detyrës së drejtorit të Kardiokirurgjisë Rifat Brahimaj i cili pa qenë fare prezent dhe pa patur fare idenë për gjendjen e pacientit në pranim, rrjedhën e trajtimit (operacionit) dhe gjendjen në dalje të operacionit, pa kontaktuar fare me mua si kardiokirurg operator dhe pa kërkuar sqarim për rrjedhjen e operacionit (që ka të drejtë t’a bëj në cilësinë e u.d. drejtorit) thërret mediat dhe u flet per operacionin tim e madje dhe këtë e bënë duke qenë në pushim vjetor.”, ma shkruar Kushtrim Shala.