Kosovë: Disa të lënduar nga përdorimi i mjeteve piroteknike

Festimet me fishekzjarre e mjete të tjera piroteknike rezultuan me disa të lënduar në Kosovë.

Në një njoftim, Policia e Kosovës bën të ditur se pesonat kanë marrë lëndime në trup si pasojë e përdorimit të pakujdesshëm të mjeteve piroteknike dhe armëve të zjarrit.

Megjithatë, nuk është raportuar asnjë rast apo incident me fatalitet, përfshirë këtu edhe aksidentet rrugore.

“Sipas raportimeve të pranuara nga të gjitha Drejtoritë Rajonale Policore (DRP), nata e vitit të ri, ndërrimi i motmoteve ka kaluar kryesisht i qetë, megjithëse në disa rajone janë raportuar disa incidente me lëndime trupore dhe dëme materiale si pasojë e përdorimit të pakujdesshëm të mjeteve piroteknike dhe armëve të zjarrit. Nuk është raportuar asnjë rast apo incident me fatalitet, përfshirë këtu edhe aksidentet rrugore”, thuhet ndër të tjera në njoftimin e Policisë së Kosovës.