Kosovë: Digjet vetura me targa zvicerane, në vlerë 43 mijë franga

Një veturë e tipit “Mercedes GLA” e vitit 2018 me targa zvicerane, sot në Grazhdanik në Prizren është kapluar nga zjarri. Pronari i saj ka deklaruar në polici se vlera e veturës është 43 mijë franga.

Rastin e ka konfirmuar për Gazetën Insajderi zëdhënësi në policinë e Prizrenit, Shaqir Bytyqi, i cili tha se rasti i djegies ka ndodhur teksa shoferi po voziste, i cili ka vënë re erë benzine dhe tym.

“Automjetin e tij kur e ndaloi për ta shikuar problemin, në atë moment automjetin e ka kapluar zjarri. Pas raportimit, në vendin e ngjarjes kanë dalë policia dhe zjarrfikësit dhe e kanë shuar zjarrin. Si pasojë e zjarrit automjeti është djegur tërësisht. Viktima deklaron se dëmi i shkaktuar ka vlerën rreth 43000 franga zvicerane”, tha Bytyqi.

Lidhur me rastin është njoftuar prokurori dhe është filluar rasti “Incident zjarri”, përfundoi ai.