Kosovë: 34 patentë shoferë të konfiskuar brenda 24 orëve

Gjatë 24 orëve të fundit në Kosovë janë realizuar 804 kontrolle dhe janë konfiskuar 34 patentë shoferë për shkelje të rregullave të ndryshme të trafikut, ka njoftuar Policia e Kosovës, transmeton albinfo.ch.

Sipas njoftimit, gjatë kësaj periudhe janë regjistruar 34 aksidente trafiku, ndërsa policia u ka bërë thirrje qytetarëve që të respektojnë rregullat.

“Gjatë ditës së sotme në Prishtinë një person ka humbur jetën si pasojë e aksidentit, andaj apelojmë te të gjithë shoferët, por edhe pjesëmarrësit e tjerë në trafik që të jenë të kujdesshëm dhe gjatë pjesëmarrjes në rrugë të respektojnë dispozitat ligjore që burojnë nga ligji mbi trafikun rrugor, në mënyrë që secili të kontribuon në zvogëlimin e statistikave të aksidenteve rrugore, e në veçanti parandalimin e aksidenteve të tilla me pasoja fatale”, thuhet në njoftim.