Kosovarët shprehin interesim të madh për të vizituar Vlorën

Interesim i madh i qytetarëve nga Kosova është parë për të vizituar Karaburunin, Sazanin si dhe Shpellën e Haxhi Aliut në Vlorë

Ermal Malaj, pjesë e një kompanie turistike, tha se se për këtë vit sezoni turistik ka filluar shumë shpejt, derisa theksoi se turistët kryesisht janë nga Kosova.

“Vjet mbaj mend që në shkurt kemi filluar me guidat e para. Ne kemi filluar shumë shpejt me turistët që janë nga Kosova”.

Ai ka folur edhe për veçantin e Karaburunin, Sazanin si dhe Shpellën e Haxhi Aliut, që siç thotë ai Shpella e Haxhi Aliut mbetet pothuajse një nga vendet me të vizituara nga turistët.

“Qytetarët e Kosovës kanë treguar interes të lartë dhe jo vetëm gjatë sezonit. Janë tri destinacione që kanë veçanti. Ishulli i Sazanit është ndër ishujt më të mëdhenj në Shqipëri dhe ka shërbyer si bazë ushtarake”, shprehet ai për EO.

Bashkia e Vlorës, edhe pse në kushte kur asgjë nuk parashikohet dot, nuk ka ngurruar të bëjë thirrje për pushuesit që të zgjedhin pikërisht këtë pjesë për të kaluar pushimet.

Gazetarët nga Kosova për tri ditë kanë qëndruar në qytetin e Vlorës, ku kanë shikuar nga afër bukuritë e këtij vendi, e kjo u mundësua nga Trip to Albania në bashkëpunim me Asociacionin e Gazetarëve të Kosovës, shkruan Rtk, transmeton albinfo.ch.

---