Lajme

Konsullata e Kosovës në Cyrih shënon 18-vjetorin e Pavarësisë mes diplomacisë dhe tingujve të Elina Dunit

E shtunë, 21 Shkurt 2026 - 19:59 albinfo.ch
Foto: Genti Mersinaj

Në një atmosferë solemne, dinjitoze dhe të mbushur me krenari e emocion, mbrëmë në Cyrih u shënua 18-vjetori i Pavarësisë së Republikës së Kosovës.

Me këtë rast, Konsullata e Republikës së Kosovës në Cyrih organizoi një mbrëmje festive që mblodhi mbi 400 të ftuar, përfshirë përfaqësues konsullorë dhe diplomatikë nga Shqipëria, Maqedonia e Veriut, Shtetet e Bashkuara të Amerikës, Italia, Turqia, Kroacia, Portugalia, Republika Dominikane, Arabia Saudite, Gambia, Luksemburgu dhe Malta, si dhe autoritete zvicerane, miq ndërkombëtarë, përfaqësues institucionesh, shoqatash, komunitetesh fetare, mediash dhe mërgatës shqiptare.

FOTOREPORTAZH:

Mbrëmja mori një dimension të veçantë artistik dhe emocional falë performancës së ikonës së jazz-it shqiptar, Elina Duni, e cila me interpretimin e saj të rafinuar dhe intim i dha ngjarjes një frymë të thellë estetike.

Tingujt e saj krijuan një urë mes diplomacisë dhe shpirtit artistik, duke e shndërruar këtë festë shtetërore në një përjetim të paharrueshëm kulturor.

VIDEOREPORTAZH:

Lexoni po ashtu:

Një festë për Kosovën në Bernë

 Të ngjashme

Një festë për Kosovën në Bernë

 Të tjera nga Lajme

Urim për Festën e Kurban-Bajramit nga Komuniteti Musliman Shqiptar në Zvicër

 E-Diaspora

 Jeta në Austri