Konjufca: Nuk pres marrëveshje me Serbinë për Asociacionin

Glauk Konjufca në Facebook

Kryetari i Kuvendit të Kosovës, Glauk Konjufca, nuk beson se mund të arrihet një marrëveshje me Serbinë për çështjen e Asociacionit të komunave me shumicë serbe.

Sipas tij, Kosova mund të hartojë e themelojë vetëm një mekanizëm pa kompetenca ekzekutive, përcjellë albinfo.ch.

“Ajo çka është e mundshme për Kosovën dhe cilat janë vijat e kuqe për Kosovën, ato janë të papranueshme për Serbinë siç duket. Prandaj kaq larg dhe të papajtueshme janë pozicionet. Prandaj unë vërtet nuk pres diçka pa ndryshuar Serbia në drejtim të demokratizimit dhe shtetit atje. Sa është Serbia kështu hegjemoniste dhe brenda koordinatave le të themi kleronacionalizmit të kohës së Millosheviqit të viteve 90, unë nuk pres zgjidhje në kuptimin e një marrëveshjeje me Serbinë. Marrëveshja me Serbinë bëhet kur të ndryshojë Serbia, jo me këtë Serbi aktuale e cila është”, ka thënë ai, raporton Koha.net.

Konjufca tutje ka theksuar se themelimi j Asociaionit dhe kthimi I serbëve nuk do të zgjidhte problemet.

“Pa u kthyer serbët në institucione nuk mund të vazhdojë procesi në kuptimin e dialogimit, negociatave dhe kushtëzimeve që po i bëjnë tash për Asociacionin. Qëndrimi i QUINT-it ka qenë shumë i qartë, pranim i institucioneve të Kosovës, kthim në institucionet e Kosovës, pranim i kornizës kushtetuese në të cilën funksionon Kosova dhe pastaj kalojmë në hapa të tjerë. Duke kushtëzuar dhe thënë se ne nuk vijmë institucione të Kosovës, por na jepni fillimisht Asociacionin kjo nuk çon askund dhe kështu nuk mund të zgjidhen problemet”, u shpreh ai, përcjellë albinfo.ch.

Më 2 maj, kryeministri i Kosovës, Albin Kurti dhe Presidenti i Serbia janë takuar në Bruksel, ku ekipi menaxhues ka paraqitur edhe draftin për statutin e Asociacionit të komunave me shumicë serbe, çka Kosova e ka refuzuar