Koncerti i Filarmonisë së Kosovës të dielën, me mysafirë specialë

Filarmonia e Kosovës ka vazhduar me përgatitje për koncertin e së dielës, ku mysafir special është dirigjenti spanjoll, Fernando Briones Lopez dhe solisten nga Tirana, Vikena Kamenica. 

Drejtori i Filarmonisë, Baki Jashari, theksoi se në pjesën e parë të programit “Aka Pella” kryesisht do të prezantohen veprat korale, si ajo e Rafet Rudit. 

“Dirigjenti,Fernando është njohës shumë i mirë i vokalit dhe muzikës korale, kështu që gjatë tërë javës është punuar në mënyrë intensive. Publiku do të ketë rast që të përjetojë një koncert atraktiv me programin e përzgjedhur”, ka shtuar ai. 

Dirigjenti spanjoll ka kërkuar nga publiku kosovar që të shkojë dhe të shijojë programin.