Muzikë

Koncert recital i Ardita Statovcit në Uashington

Biiletat për koncertin e 17 marsit, janë falas por duhet të rezervohen me kohë, në linkun në tekst

E premte, 27 Shkurt 2026 - 20:20 albinfo.ch
Pianistja e njohur shqiptare nga Kosova, Ardita Statovci, e cila jeton në SHBA, do të mbajë një koncert recital (solo) në Washington D.C.
“Jam e kënaqur të ndaj me ju lajmin se më 17 Mars në orën 18:30, do të performoj një recital solo në La Maison Française në Washington D.C.
Programi paraqet punime në piano nga Schubert, Beqiri, Ravel dhe Brahms – një repertor që është veçanërisht afër zemrës sime”, shkruan Statovci në një postim të saj në rrjetet sociale, transmeton albinfo.ch.
Ardita Statovci është një emër i shquar në skenën ndërkombëtare të pinos. Ajo ka nterpretuar me dirigjentë të njohur botërorë dhe ka ndarë skenën me orkestrat më të njohura.
Ka interpretuar si soliste dhe është prezantuar me recitale pianistike dhe muzikë kamertale në shtete të ndryshme, si në: Austri, SHBA, Zvicër, Itali, Maqedoni, Spanjë, Kroaci, Francë, Angli, Bosnjë, Hungari, Gjermani etj.
Kur jemi te koncerti i pritshëm 1 17 marsit, pianistja shkruan se biletat janë falas por duhet të rezervohen me kohë. Mund t’i rezervoni këtu: https://www.eventbrite.fr/…/ardita-statovci-piano…
Foto @ A. Llapashtica

 Të tjera nga Muzikë

Koncerti “ARIADITA” në Washington: një mbrëmje muzikore që bashkoi kultura dhe emocione

 E-Diaspora

 Jeta në Austri