Kompania kosovare “Pro Real Estate”, model për respektimin e barazisë gjinore në punësim

Në “Pro Real Estate” përqindja e të punësuarve është 53.8% gra dhe 46.2% burra. Me respektimin e tillë të barazisë gjinore, kjo kompani po del të jetë model për bizneset në Kosovë.

Kosova është shtëpia e popullsisë më të re në Europë, me moshë mesatare 25 vjeç.

Kjo moshë mesatare e popullsisë është e lakmueshme nga plot vende të tjera të botës, të cilat “po vuajnë” për një rini të tillë. Kjo sepse mund t’i ofrojë shtetit shumë benifite, nëse vetëm kanë ide se si ta kthejnë në diçka profitabile.

E këtë fakt e ka kapur shumë mirë kompania kosovare “Pro Real Estate”, duke e kthyer në diçka shtesë që e identifikon kompaninë, sigurisht përveç kulturës së punës që i veçon.

Ekipi i kompanisë “Pro Real Estate”, tashmë me rreth 50 punonjës, ka një moshë mesatare 27 vjeç. Kësisoj, energjia dhe puna e palodhshme e ekipit është një nga pikat më të forta të kompanisë.

“Në një industri si kjo e jona, e njohur si industri e dominuar nga gjinia mashkullore, ne arritëm të rindërtojmë modelin tradicional të një kompanie, duke rritur përqindje e punonjësve të gjinisë femërore, madje duke e bërë atë me te madhe se gjinia e kundërt”, tregojnë nga kompania.

Në “Pro Real Estate” përqindja e të punësuarve është 53.8% gra dhe 46.2% burra. Me respektimin e tillë të barazisë gjinore, kjo kompani po del të jetë model për bizneset në Kosovë.

“Duke punuar me standarde të larta etike, duke demonstruar ndershmëri dhe drejtësi në çdo veprim dhe vendim, duke ndjekur përsosmërinë dhe duke e shtyrë njëri-tjetrin të jemi më të mirë çdo ditë, duke parë mundësi në vend të kufizimeve, duke tejkaluar pritshmëritë në çdo aspekt, kompania jonë do të vazhdojë të rritet”, thuhet nga “Pro Real Estate”.

Ndryshe, ky model i respektimit të barazisë gjinore nuk është aq i pranishëm në përgjithësi në Kosovë.

Sipas Agjencisë së Statistikave të Kosovës, dy të tretat e popullsisë në vend janë popullsi në moshë pune, ku përfshihen moshat 15-64 vjeçare. Në kuadër të popullsisë në moshë të punës, shkalla e pjesëmarrjes në fuqinë punëtore është 39.5%. Punësimi më i lartë është tek meshkujt me 42.8%, ndërsa tek femrat është vetëm 15.9%./Albinfo.ch

---