Kinë: Alarm për tajfun, evakuohen mbi 600 mijë njerëz

Foto ilustrim @unsplash

Më shumë se 600,000 njerëz janë evakuuar nga shtëpitë e tyre ndërsa Kina po përgatitet për mbërritjen e tajfunit Bavi, i cili pritet të godasë qytetin Wenzhou në lindje të vendit.

Raportohet se tajfuni kishte kaluar më parë nëpër Tajvan dhe Ishujt Sakishima në Japoninë jugore.

Bavi vazhdon të ngadalësohet dhe të dobësohet në rrugën e tij drejt veriperëndimit mbi dete më të ftohta, mirëpo mbetet ende i rrezikshëm, për shkak të vëllimit të madh të lagështisë që mban brenda brezit të tij të reshjeve, i cili është afërsisht sa madhësia e Francës, transmeton albinfo.ch.

Ndryshe, Japonia dhe Tajvani deri më tani nuk kanë raportuar vdekje si pasojë e kalimit të tajfunit, por në Filipine, 17 persona kanë humbur jetën si pasojë e shirave të rrëmbyeshëm.