KFOR dhe Policia e Kosovës diskutojnë për masat e shtensionimit në veri

Ilustrim, KFOR

Komandanti i përgjithshëm i KFOR-it, Angelo Michele Ristuccia dhe drejtori i Policisë së Kosovës, Gazmend Hoxha janë takuar për të diskutuar masat që do të zbatohen për shtensionimin e situatës në veri, ku përfshihet zvogëlimi i pranisë policore në pjesën veriore të Kosovës.

Pjesë e takimit, sipas njoftimit të KFOR-it, ishte edhe shefi i EULEX-it, Giovanni Pietro Barbano e përfaqësues të zyrës së Bashkimit Evropian në Kosovë, shkruan koha.net.

“Ata diskutuan gjerësisht për masat e shtensionimit që do të zbatohen në afat të shkurtër nga institucionet në Kosovë. Takimi ishte pozitiv dhe konstruktiv dhe do të pasohet nga takime të mëtejshme periodike si në nivel teknik dhe ekzekutiv”, thuhet në shkrimin e KFOR-it në Tëitter.

Kosova dhe Bashkimi Evropian janë dakorduar për zvogëlimin e  pranisë policore në veri në fillim të korrikut, përcjell albinfo.chh.