Lajme
Këto shtete kanë ende në fuqi rregulla anti-covid për evropianët
Evropianët që arrijnë në këto vende duhet të ndjekin disa rregulla.
Kufizimet për koronavirusin i kanë hequr pothuajse të gjitha vendet e Bashkimit Evropian. Por në disa vende të botës ende janë në fuqi rregullat për evropianët.
Kjo do të thotë se të gjithë evropianët që arrijnë në këto vende duhet të ndjekin disa rregulla. Kjo është lista e vendeve që i kanë në fuqi rregullat për evropianët, përcjell Albinfo.ch.
Zelanda e Re
Të gjithë udhëtarët evropianë duhet të paraqesin vërtetimin e vaksinimit në Zelandën e Re. Vetëm disa kategori të veçanta udhëtarësh, si ata që kalojnë tranzit përmes Zelandës së Re, si dhe ata që janë shëruar së fundmi nga COVID-19, përjashtohen nga kërkesa për të mbajtur dëshmi të vlefshme vaksinimi.
Japoni
Në Japoni kërkohet që udhëtarët të cilëve u lejohet hyrja në këtë shtet të kenë me vete një rezultat të testit COVID-19 të marrë brenda 72 orëve përpara nisjes së tyre. Përveç kësaj, ata duhet të regjistrojnë rezultatin tek autoritetet dhe të marrin një kod për imigracionin. Udhëtarët duhet të kenë parasysh se Japonia nuk pranon teste të shpejta të antigjenit, që do të thotë se të gjithë duhet të bëjnë një test PCR.
Tajlandë
Autoritetet shpjegojnë se udhëtarët nga Evropa duhet të tregojnë një certifikatë vaksinimi ose një rezultat negativ të testit COVID në mënyrë që t’u lejohet hyrja. Kërkesa për të mbajtur një certifikatë vaksinimi zbatohet për të gjithë personat mbi moshën 18 vjeç dhe dokumenti duhet të vërtetojë se mbajtësit i është dhënë doza e fundit të paktën 14 ditë përpara udhëtimit. Sa i përket testit negativ, Tajlanda pranon teste PCR të bëra brenda 72 orëve para nisjes.
Indonezia
Indonezia gjithashtu kërkon që udhëtarët evropianë të paraqesin një certifikatë vaksinimi, rikuperimi ose testimi. Udhëtarët që kanë një certifikatë të vlefshme vaksinimi ose rikuperimi nuk kanë nevojë të ndjekin rregulla shtesë. Nga ana tjetër, ata që nuk kanë asnjë nga këto dy certifikata duhet të bëjnë një test PCR pas mbërritjes dhe t’i nënshtrohen karantinës.
Singapor
Të gjithë udhëtarët evropianë mbi moshën 12 vjeç duhet të vaksinohen kundër virusit për t’u lejuar të hyjnë në Singapor. Ata që nuk janë vaksinuar nuk mund të hyjnë aktualisht në vend. Megjithatë, autoritetet kanë thënë se nga data 29 gusht do të lejojnë hyrjen edhe për udhëtarët e pavaksinuar me kusht që të kenë rezultat negativ të testit COVID-19.
Kina
Të gjithë udhëtarët duhet të mbajnë një certifikatë vaksinimi, si dhe një rezultat negativ të testit të marrë brenda 48 orëve para mbërritjes. Për më tepër, udhëtarët ndërkombëtarë që arrijnë në Kinë gjithashtu duhet t’i nënshtrohen një karantine të detyrueshme tre netësh dhe t’i nënshtrohen testeve të shpejta ditore të antigjenit gjatë periudhës së karantinës.
Emiratet e Bashkuara Arabe
Udhëtarëve nga Evropa që arrijnë në Emiratet e Bashkuara Arabe u lejohet hyrja pa kufizime për sa kohë që ata paraqesin një certifikatë vaksinimi. Ata që nuk janë vaksinuar mund të hyjnë gjithashtu në Emiratet e Bashkuara Arabe me kusht që të paraqesin një certifikatë rikuperimi të lëshuar brenda 30 ditëve para nisjes ose një rezultat negativ të testit PCR të kryer brenda 48 orëve para mbërritjes./Albinfo.ch/
E-Diaspora
-
SHKA “Dardania” nga Winterthuri do të marrë pjesë në festivalin folklorik “Hasi Jehon” Me ftesën e SHKA “MALËSORI”, Këshillit drejtues të këtij festivali dhe drejtorit artistik të festivalit, z....
-
Kevin Sekniqi, shqiptari i radhës i përfshirë në renditjen e prestigjiozes Forbes
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
Jeta në Austri
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl Përpos figurave tjera kryesore të LDK-së, i pranishëm ishte edhe vet kryetari Lumir Abdixhiku i cili...
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët