Këshilli Federal i Zvicrës në foton e parë të vitit 2014

Fotografia e re zyrtare e Këshillit Federal tregon shtatë këshilltarët federalë dhe kancelaren federale Corina Casanova

Didier Burkhalter edhe në foton e parë zyrtare të publikuar në sekondat e parë të 2014-s  ka zënë vendin e presidentit të deritashëm, Ueli Maurer (SVP/UDC) dhe brenda këtij viti do të ushtrojë detyrën e përfaqësuesit më të lartë të shtetit.

Zëvendëspresidente është ministrja Simonetta Sommaruga

Politikani me profesion ekonomist nga kantoni Neuchatel ka mbrapa tij një karrierë të suksesshme.

Ai, në moshën 31 vjeçare  qe zgjedhur si politikani më i ri zviceran në qeverinë e kantonit të tij  dhe nga viti 2007 ka qenë deputet federal në Dhomën e kantoneve.

Në vitin 2009 ai erdhi në Qeverinë Federale si pasues i Pascal Couchepinduke marrë edhe resorin që kishte udhëhequr ky i fundit, punët e brendshme. Por në vitin 2012, kundër dëshirës së partisë së tij, Burkhalter mori të udhëheqë ministrinë e punëve të jashtme. Në këtë post ai është dalluar me një qëndrim më të tërhequr dhe më pak mediatik se paraardhësja e tij, Micheline Calmy-Rey, vërejnë analistët politikë të Zvicrës.

Sidoqoftë, me zgjedhjen e tij president, për vetë cilësinë reprezentuese që përmban në vete ky post, Burkhalter pritet të jetë më tepër në qendër ë vëmendjes së opinionit.

Kjo dhe për faktin se si ministër i jashtëm dhe njëkohësisht kreu i shtetit, ai do të ketë më tepër përgjegjësi për menaxhimin e raporteve të ndërlikuara të Zvicrës me BE-në.