Partia Popullore Zvicerane (UDC/SVP) në Gjenevë dëshiron që orët e blerjeve në Gjenevë të standardizohen dhe të zgjerohen, shkruan “Le New”.
Në përgjithësi, Zvicra fankofone ka ligje më të rrepta për orët e hapjes dhe mbylljes se pjesa tjetër e Zvicrës, përcjell albinfo.ch.
Për shembull, dyqani ‘Migros’ në Cyrih është i hapur deri në orën 21:00 çdo natë, përveç të dielës.
Një dyqan i ngjashëm në Gjenevë është i hapur deri në orën 21:00, vetëm një herë në javë, derisa në ditët tjera të punës, mbyllet midis orës 18:00 dhe 19:30.
Stéphane Florey nga UDC thekson se kjo është nga arsyet që banorët e Gjenevës shkojnë në Francë për të blerë, pasi dyqanet janë të hapura deri vonë dhe e kanë shumë afër.
Kjo parti ka kërkuar ndryshimin e ligjit, duke lejuar dyqanet që të qëndrojnë hapur, deri në orën 20:00, çdo ditë të javës, përveç së dielës.
Sipas rregullave aktuale, dyqanet duhet të mbyllen deri në orën 19:00, me disa përjashtime të premten 19:30 dhe të shtunën në orën 18:00. Shumica e dyqaneve të dielën duhet të jenë të mbyllura.
Sindikatat nuk janë pajtuar shumë me këtë ide. Ata theksuan se nuk ka marrëveshje kolektive që mbulon industrinë.
