Këngëtarja shqiptare nga Kanadaja i dedikon një këngë pavarësisë së Kosovës

Artistja shqiptare Tringa Rexhepi, me një karrierë të suksesshme në Kanada, ka një veprimtari artistike të pasur dhe me plane të shumta për të ardhmen, transmeton albinfo.ch.

Së fundmi ka lansuar këngën “Ti moj Kosovë”, këngë që ia ka dedikuar përvjetorit të pavarësisë së Kosovës. Kënga është publikuar më 16 shkurt, duke pasqyruar bukuritë e vendlindjes.

Me tekst të vetë autores dhe Marjola Saliut, kënga është kompozuar po nga solistja e kësaj kënge në bashkëpunim me Scott Christian.