Kapet ilegalisht në Gjermani: kosovari duhet të vuajë 685 ditët e mbetura të burgut

Drejtoria Federale e Policisë së Mynihut: Kosovari duhet të mbajë edhe 685 ditë burg/ Rikthim në paraburgim pasi qe dënuar për vrasje dhe ishte dëbuar

Të hënën (5 nëntor), policia federale arrestoi një kosovar në stacionin e trenit në Rosenheim, i cili para shumë vitesh ishte dënuar për vrasje dhe ishte deportuar nga Gjermania në vitin 2010.

Ai kishte vuajtur mbi dhjetë vjet të dënimit me burg të vendosur nga gjykata e Landit e Augsburgut përpara se të detyrohej të largohej nga vendi, transmeton albinfo.ch. Në rastin e parë që u kthye në Republikën Federale të Gjermanisë dënimi i mbetur prej 685 ditësh u bë i plotfuqishëm.

57-vjeçari po udhëtonte nga Austria me një tren të distancave të gjata, shkruan dpa.de. Gjatë kontrollit të emigracionit, policia federale përdori të dhënat e tij personale për të zbuluar se ndaj tij kishte një urdhër arresti nga prokuroria publike e Augsburgut.

Si rrjedhojë, shtetasi i Kosovës i deportuar do të duhet të shkojë në burg për më shumë se 22 muaj (685 ditë) për shkak të lirimit të parakohshëm.

Në Rosenheim atij iu desh të ndërpriste herët udhëtimin me tren drejt Mynihut dhe të shkonte me policët në stacionin e policisë federale, përcjell albinfo.ch. Prej aty ai u dërgua në institucionin korrektues në Bernau.

---