Kapen dy xhihadistë duke u kthyer nga Siria

Njëri prej tyre, një i ri i radikalizuar po kthehej nga Turqia, ku kishte kaluar nga Siria, pasi kishte qenë edhe më parë atje. Ai kishte prezantuar udhëtimin e tij si një udhëtim afarist

Rasti i parë ka ndodhur më 9 gusht, kur, në Aeroportin e Cyrihut arrestohet xhihadisti nga Gjeneva, një 29 vjeçar, shtetas zviceran, me prejardhje nga Tunizia. Ishte rasti i njëmbëdhjetë i ngjashëm nga Zvicra dhe i dyti nga regjioni i Gjenevës. Ky i ri i radikalizuar po kthehej nga Turqia, ku kishte kaluar nga Siria, pasi kishte qenë edhe më parë atje. Ai kishte prezantuar udhëtimin e tij si një udhëtim afarist, shkruan srf.ch.

Prokuroria Federale e ka konfirmuar një lajm të publikuar nga gazeta e Gjenevës “Tribune de Geneve” që bën fjalë rreth këtij rasti.

Sipas gazetës, personi në fjalë ishte radikalizuar nën ndikimin e babait të tij, i cili ishte në opozitë ndaj ish presidentit tunizian, Habib Bourgiba.

Përkundër shkollimit të dështuar profesional për komercialist, i riu ishte futur me sukses në biznesin e eksport-importit. Si mysliman që praktikonte fenë, ai ishte i afërt me skenën radikale të djathtë e antisemitiste, transmeton albinfo.ch.

Si qitës i kualifikuar, ai përmes rrugës legale posedonte armë të ndryshme.

Gjatë hetimeve ndaj tij, autoritetet kishin rënë në gjurmë të një xhihadisti tjetër i cili në qershor të këtij viti ishte arrestuar duke u kthyer nga Siria. Dy personat ishin njohur mirë mes vete.